“Book Descriptions: Żewġ huwa t-tieni ktieb ippubblikat minn Alex Vella Gera fis-sena 2009.
B’differenza minn Lil Hinn Mill-Jien, Żewġ diffiċli tgħid x’tip ta ktieb hu.
Fih żewġ novelli, u t-tnejn li huma jistgħu jissejħu fantaxjenza, iżda s-similaritajiet jieqfu hemm. B’Żewġ Vella Gera jistħarreġ l-idea ta’ Malta bħala stat tal-moħħ, billi joħloq fl-istejjer tiegħu gżira nazzjon f’univers parallel li jintgħaraf sew iżda li fl-istess ħin huwa għalkollox aljen – Malta surreali, tal-ħolm; fejn pajjiż ċkejken jinbidel f'wieħed enormi, u fejn il-familjari jsir stramb u l-istramb haġa ta' kuljum.
Fi kliem ieħor, dan huwa mod daqsxejn ikkumplikat kif ngħidu li Żewġ għandu jinteressa lil dawk il-qarrejja Maltin li qed ifittxu kitba immaġinattiva/spekulattiva fil-lingwa tagħhom iżda ftit li xejn qed isibuha.
Rebbieħ tat-tieni premju fil-kategorija Proża Fittizja - Premju Nazzjonali tal-Ktieb 2010” DRIVE
Read Ebook 
