Minsan talaga wala kang magagawa kapag hindi nakalaan para sayo ang taong mahal mo. Gustuhin mo mang lumaban pero alam mong una pa lang, talo ka na. Marami pa rin akong hindi maintindihan. Bakit sa tuwing magiging masaya ako, palagi kang may paraan para bawiin ’yon? Bakit ba ang lupit mo sa ’kin? Gusto kong maging masaya. Hindi naman masama ’yon, ’di ba? Pero bakit kung kailan naka-move on na ako, tsaka mo siya ibabalik? Pwede bang sa oras na paghiwalayin mo na ang dalawang tao, ’wag mo na ulit silang paglapitin pa? Palagi na lang ba akong masasaktan? Siguro tama sila, sadyang mapaglaro ka.