“Book Descriptions: „Þegar ég var lítil stelpa rölti ég klukkutímum saman ein inn í hljóðláta skógana bak við húsið mitt í Louisiana og söng. ... Áður en ég hélt heim fylgdi ég slóða að húsi nágrannanna, í gegnum garð sem var hannaður af landslagsarkitekt og framhjá sundlaug. Þessir nágrannar höfðu látið byggja upp hluta lóðarinnar með grjóti og garðurinn var fullur af litlum,mjúkum steinvölum sem drógu í sig hitann og héldust ylvolgar á þann hátt að þægilegt var að leggja hörundið að þeim. Ég var vön að leggjast á þessa steina, horfa upp í himininn, finna ylinn sem kom jafnt ofan frá sem neðan og hugsa: Ég get markað mína eigin slóð í lífinu. Ég get látið drauma mína rætast.“
Konan sem í mér býr er hugrökk og ótrúlega áhrifamikil saga ungrar konu um frelsi, frægð, móðurhlutverkið, trú, von og að lifa af.
Í júní 2021 fylgdist allur heimurinn með Britney Spears í dómsal. Það hafði mikil áhrif þegar hún deildi rödd sinni – sínum sannleika – og það breytti lífshlaupi hennar og lífi ótal annarra. Konan sem í mér býr afhjúpar í fyrsta sinn ótrúlega vegferð og styrkinn í brjósti eins mesta listamanns í sögu popptónlistarinnar.
Þessi bók Britney Spears, sem skrifuð er af ótrúlegri hreinskilni og húmor, markar þáttaskil. Hún er til vitnis um óendanlegan mátt tónlistar og ástar – og mikilvægi þess að kona segi loks sína eigin sögu, á sínum eigin forsendum.
Bók ársins 2023: Elle, The Washington Post, Rolling Stone, NPR, Financial Times, Vanity Fair, Daily Telegraph og fleiri.
#1 á metsölulista New York Times
Yfir 2 milljónir eintaka seldar.
Bandaríski Grammy-verðlaunahafinn Britney Spears er einn vinsælasti og virtasti skemmtikraftur tónlistarsögunnar. Hún hefur selt yfir 100 milljón hljómplötur um víða veröld og árið 2021 var hún útnefnd af tímaritinu Time ein hinna 100 áhrifamestu í heiminum. Hún býr í Los Angeles í Kaliforníu-ríki.” DRIVE
Read Ebook 
